ÖTMA | Səhiyyə profilli QHT-lərin Forumuna hazırlıq görülür

2025-ci il avqustun 15-də QHT-lərə Dövlət Dəstəyi Agentliyində "Səhiyyə yönümlü QHT-lərin Forumuna hazırlıqla bağlı görüş" keçirilib.

Görüşdə dövlət və vətəndaş cəmiyyətinin mühüm nümayəndələri iştirak edib:

Prezident Administrasiyasının QHT-lərlə iş sektorunun müdiri Tural Əliyev,

Elm, təhsil, səhiyyə və gender siyasəti üzrə baş məsləhətçi Elçin Adıgözəlov,

Səhiyyə Nazirliyinin Aparat rəhbəri Tural Babayev,

Agentliyin icraçı direktoru Aygün Əliyeva,

AHİK-in Səhiyyə İşçiləri Komitəsinin sədri Elnarə Muradova,

MQF İdarə Heyətinin sədri Ramil İskəndərli,

İcbari Tibbi Sığorta üzrə Dövlət Agentliyinin nümayəndəsi Aynurə Əhmədova,

TƏBİB-in müşaviri Pərvin Əkbərov və digər məsul şəxslər.

Görüşdə vurğulanıb ki, ilk dəfə təşkil ediləcək bu Forum, səhiyyə profilli QHT-lərin fəaliyyətində canlanma yaradacaq, peşə birliklərinin səmərəliliyini artıracaq və dövlət-cəmiyyət əməkdaşlığında yeni imkanlar açacaq.

Özəl Tibb Müəssisələri Assosiasiyası olaraq bu təşəbbüsü dəstəkləyir, ölkədə sağlamlıq sistemində vətəndaş cəmiyyətinin aktiv rolunu önəmli hesab edirik.