070 316 94 10
info@otma.az
Dövlət tərəfindən səhiyyə sahəsində həyata keçirilən siyasət, islahatlar, qəbul edilən normativ hüquqi aktlar, həmçinin Azərbaycan Respublikası Səhiyyə Nazirliyinin normativ hüquqi aktları barədə özəl tibb müəssisələrini məlumatlandırmaq
Səhiyyə sahəsində vahid dövlət siyasətini həyata keçirən Azərbaycan Respublikası Səhiyyə Nazirliyi ilə əməkdaşlıq etmək, keçirilən sorğular və tədbirlərdə iştirak etmək, özəl tibb müəssisələrinin qaldırdığı məsələləri Səhiyyə Nazirliyinə və digər aidiyyəti dövlət qurumlarına çatdırmaq
Sağlamlığın qorunması sahəsində vətəndaşların hüquqlarının pozulması hallarının qarşısının alınması üçün özəl tibb müəssisələri arasında maarifləndirmə işini aparmaq
Qeyri-dövlət səhiyyə sisteminin inkişafı üçün xarici ölkələrin təcrübəsini araşdırmaq və təkliflər hazırlayaraq aidiyyəti dövlət orqanlarına (qurumlara) təqdim etmək
Səhiyyə sahəsində yaranan problemlərin həlli məqsədilə “İctimai iştirakçılıq haqqında” Azərbaycan Respublikası Qanununa uyğun olaraq tədbirlər görmək
Müasir tibbin nailiyyətlərinin ölkəmizdə tətbiqi imkanları ilə bağlı araşdırmaların aparılmasına dəstək vermək
Fəaliyyətində kobud pozuntulara və qanunsuz əməllərə yol verən özəl tibb müəssisələri barədə faktları (sübutları) qanunvericiliyə uyğun tədbirlərin görülməsi üçün aidiyyəti dövlət orqanlarına təqdim etmək
Özəl tibb müəssisələrində çalışan işçilərin sosial müdafiəsi məqsədi ilə səhiyyə sahəsində fəaliyyət göstərən həmkarlar ittifaqları ilə əməkdaşlıq etmək.
Birliyin üzvlərinin hüquqlarını və qanuni mənafelərini müdafiə etmək .Tibb hüququ sahəsində ixtisaslaşmış mütəxəssislərdən hüquqi dəstək almaq.
