070 316 94 10
info@otma.az
"Özəl Tibb Müəssisələri Assosiasiyası" ictimai birliyinin təşəbbüsü ,Kiçik və Orta Biznesin İnkişafı Agentliyinin (KOBİA) təşkilatçılığı ilə Bakı şəhərində 14 fevral 2025ci il tarixində “Tibbi sığorta haqqında qanunverciliyin tətbiqi çərçivəsində özəl tibb müəssisələrinin yeri və rolu” mövzusunda görüş keçirilib.
Tədbirdə Azərbaycan Respublikasının Səhiyyə Nazirliyinin, İcbari Tibbi Sığorta üzrə Dövlət Agentliyinin, Antiinhisar və İstehlak Bazarına Nəzarət Dövlət Xidmətinin nümayəndələri, eləcə də müvafiq sahədə fəaliyyət göstərən sahibkarlıq subyektləri iştirak ediblər.
Görüşdə tibbi sığorta haqqında qanunverciliyin tətbiqi ilə bağlı özəl tibb müəssisələrinin səsləndirdiyi məsələlərin müvafiq dövlət qurumlarının iştirakı ilə birgə müzakirə təşkil edilmiş, eləcə də sahibkarların çətinlikləri və təklifləri dinlənilmişdir.
Görüşün yekunu olaraq dövlət qurumları tərəfindən dövlət-biznes müzakirə platformasının önəmi vurğulanmış və bu növ görüşlərin gələcəkdə müvafiq sahədə inkişafa dəstək olmaq baxımından mühüm addım olduğu bildirilmişdir.
